KUIH TRADISIONAL IBAN

KUIH EMPASA KUKUS.

       Siti ari kuih ti nyadi tradisi kitai iban kelia menya, nyentuk ka saritu pan agi digaga dikumbai kuih Empasa Kukus. Rebak ka baru diatu mayuh udah enda ngelala iya laban sida udah nemu kuih-kuih ari menua bukai ari kuih tradisional kitai iban. Maya kelia suba kuih empasa kukus tu selalu nyadi bekal bala orang ka belelang tauka bejalai ka menua jauh. Kebuah iya baka nya laban kuih empasa kukus tu ulih tan lama enti disimpan manah enggau ulih dianggat ka baru maya ka makai iya. Tang kemaya ari tu kuih tu pan nyau betukar gaya nyedia ka iya bebanding suba laban pengidup ka maya ari tu pan udah bekalih.

Perengka ka dikena ngaga kuih tu enda mayuh tang taja piak asai iya tetap ulih ngasuh kitai tekait. Utai ka dikena ngaga kuih ti baka buah empasa, batang lidi, gula,daun pandan, garam, daun pisang tauka daun biru, gula apung enggau minyak mimit. Ka terubah iya, buah empasa tu tadi deka di parut ngena pemarut awa ka ancur. Udah nyak campurka gula enggau garam mimit ba empasa ka udah ancur nyak. Sepengudah iya girau isi empasa nyak enggau manah. Tetak taun biruk tauka pisang nitih saiz ti sama. Udan nyak isi ka empasa ti udah di ancur tadi ngagai daun biru alu lipat enggau manah. Ngena batang lidi acuk ba tisi daun nyak tadi awa ka iya enda tebuka.

          Udah nyak rebus aik sampai iya mansau alu sedia ka pengukus, maya aik udah cukup angat pasuk ka daun biruk ka udah di isi enggau buah empasa tadi. Lak ka iya di kukus lebih kurang empat puluh lima minit tauka sampai isi buah empasa nyaaak nyadi warna kuning. Maya nganti kuih kitai mansau , panduk gula apung tadi enggau daun pandan alu campur enggau aik mimit. Udah iya enkudak , gula apung nyak tadi tauk diangkat alu lak ka celap dulu. Sepengudah kuih kitai mansau iya tauk di bantai ka enggau gula apung tadi nyadi ka sos.

            Tu meh siti kuih ti amat manah dikena nyambut temuai datai lanan iya ulih dibantai sekali enggau aik kopi tauka teh. Kuih tu mega tauk dikena ngirup lemai sebadau makai dikena nguru nyawa. Tang kemaya ari tu kuih empasa kukus tu nyau makin enyau ba alam pengidup kitai iban laban nembiak rebak baru enda entu ka makai kuih tradisi kitai. Arap ka kitai tauk ngetan ka siti pesaka tu dikena nyadi identiti bansa iban.

Ensera raja nyumbuh ngangau ke manang pipit.

            

            Nyadi agi jeman dulu kalia, lebuh samua jelu dalam dunya tu agi mereti ka jaku pangan diri. Dia kenu ko leka ensera tu bisi siku Raja Nyumbuh ti amat mancal enggau selalu ngacau orang. Tudah tuai tu sigi enda mereti jaku laban ia sigi jelu ti besai sereta kering ari jelu lain. Lengan ia mesai pucuk tapang,  pah ia baka gunung jabang,  tubuh ia sepemanyai sungai madai,  laban nyak mega ia ngumbai diri empu raja ba kampung nya. Berengkah ari nya bala jelu lain ba kampung nya ngumbai ia Raja Nyumbuh bujang regas pemulas jagung muda, bujang changka mali mulai jari nyapai. Ensumbar tu diberi ngagai ia laban enti utai ka udah terengkah ba jari ia sigi enda pulai agi. Tang munyi ko ensera Raja Nyumbuh tu sigi enda peduli utai ka dipadah ka orang laban ia ngira diri empu aja.

            Nitih ka tusui orang kelia suba bisi dua iku jelu ka belaya ba sungai temesu pabuk di nanga ampuh pauh bah sekayu raya. Jelu nya dikumbai gerama umai kigang-kigang nyepuh ka ipuh tumbang ga serapuh. Nyadi jelu ka enggau ia belaya nya dikumbai ringin bujang ngedang mua pemansai, mansai undai mayuh betubuh mai sungai keruh berambuh. Utai ti dikelaya ka seduai ringin enggau gerama tu ba sentang siku ikan ka dikumbai ikan emplasik rauh-rauh ba ili ti ditangkap seduai ia ba aik temesu nyak. Laya seduai nya mula maya tudah gerama ngiga pemakai ba tisi batu kena ngisi perut ko jaku, tudah ringin tu agi mansai ba baruh pendaik endur sida mandi. Udah ka enda lama mega pansut meh tudah ikan emplasik tu ari dalam sungai kenu ko jerita. Pemuas ia tudah ringin tu pan tepada ka ikan emplasik  lalu ngagai tudah sepemanjai sungai nya, nyau pengelama seduai begagai ikan emplasik ti lalu tamak ba baruh batu alu dikepit tudah gerama ngena sepit ia. “Nyak iya bulih” ko gerama meda iya ulih tesepit ka ikan emplasik nyak. “

            Pengudah nyak ringin pan datai ba diak alu ngambu ikan ka bisepit gerama nyak empu iya. Gerama madah ka diri bulih ikan emplasik nyak ba baruh batu endur iya mansai. Tang ringin enggai alah lalu madah ka ikan nyak sigi udah diempu iya laban udah lama digagai iya ari penatai. Pengelama seduai becekih mansak tudah Raja Nyumbuh ka baru pulai nugal.. Ninga laya seduai ringin enggau gerama, diak iya alu berunding keni ka beduan seduai nyak alu ngulih ka ikan ti dikelaya ka gerama enggau ringin. “ dik nyak ringin kaban aku nyala suba?” tanya Raja Numbuh. “Auk …aku meh tu isan “ ko saut ringin. Diak tudah nyumbuh pan lalu mansang ngagai seduai gerama alu nanya “nama seduai tak rauh-rauh dinga aku ari umai tadi? “ ko tudah nyumbuh ngaga diri enda nemu. Tudah ringin pan alu nusi ka kebuah seduai iya gerama belaya ngagai nyumbuh. Tudah nyumbuh pan ngaga diri berunding alu madah ka diri nemu chara keni ka nusun penyarut tu.

                    

             Meda utai baka nyak gerama enggau ringin pan nitih ka aja meh jaku tudan nyumbuh nyak tadi. Raja Nyumbuh pan alu madah ka seduai chara ka paling manah kena ngatur penyarut tu mesti ngena jalai bepekit. Atur pekit tu bejalai ngena chara nikau ka ikan nyak pulai ka sungai baru alu serama seduai ringin diasuh nangkap ikan nyak. Barang sapa ka ulih nangkap iya siku nyak meh empu ikan ka amat. Ninga kenya ka meh seduai dua nyak tadi alu ngasuh tudah nyumbuh nyadi tuai pekit nyak. Maya ringin enggau gerama sedia ka terejun agi aik tudah nyumbuh alu nyerauh “sa…dua…tiga!”. Alu diambi tudah nyumbuh buah engkabang ka bisi ba tisi kaki iya lalu ditikau ka  ngagai sungai. Pengudah buah nyak labuh ba aik nyak seduai ringin enggau gerama alu engkecit ka dalam aik lalu jemerai nyiga alai ikan nyak labuh. Tang ka amai iya nyumbuh udah ngelalai ka ikan nyak ba sintong iya. Tudah nyumbuh alu pulai ka rumah iya laban udah bulih ngemelik ka gerama enggau ringin. Nyak meh kebuah saritu bala ringin agi diau ba ulu sungai enggau kebuah gerama idup ba selepak batu , seduai tu agi betapat ka pekit ngiga ikan emplasik nyak nyentuk ka diatu.